Në konferencën për mediat, kreu i shtetit Ilir Meta ironizoi dorëheqjen e rojës së PD, një ditë para protestës, ndërsa e quajti një shembull pozitiv .
Presidenti Ilir Meta thotë se nuk pranon të bëhet palë në lidhje me debatin brenda PD, ku në 8 janar u zhvillua edhe një protestë e organizuar nga Sali Berisha. Sipas Kreut të Shtetit 8 janari nuk është një ngjarje e izoluar, ndërsa u shpreh se dhuna nuk është mekanizëm për marrjen e pushtetit.
“Më duhet të sqaroj qëndrimin tim për këtë çështje. 8 janari në vlerësimin tim nuk është një ngjarje e izoluar, por është një moment tragjik i një procesi politik degradues, që po zhvillohet prej muajsh në sytë e shqiptarëve. Thelbi është mungesa e ballafaqimit me votë të lirë. Jemi ende në kushtet kur institucionet janë minuar nga kapja e segmenteve shtetërore. Për të gjitha energjitë duhet të mobilizoheshin për sistemin e llogaridhënës.
Perdorimi i forcës është i papranueshëm dhe i dënueshëm. Akuzat për infiltrim të personave brenda selisë,janë alarmante dhe kërkojnë përgjigje. Është e papranueshme të mohohet cdo mekanizëm demokratik zgjidhjeje. Kur të gjithë e kanë të qartë që përdorimi i dhunës, s është mekanizëm që legjitimon marrjen e pushtet Edhe mbajtja e tij me forcë është po aq i dënueshëm.
Mjetet fizike dhe policeske nuk mund të jenë zgjidhje për asnjë palë, por vetëm ballafaqimi përmes votës së lirë.
Zhvillimet e 8 janarit sollën edhe ndonjë shembull pozitiv që bën thirrje për reflektim si dorëheqja e rojes së selisë së PD për të mos qenë dëshmitar i dhunës. Uroj që të gjithë të ngrihen në nivelin e përgjegjshmërise së tij.
