Një adoleshente 16 vjeçare prej 2 ditësh është larguar nga shtëpia e saj. Policia bën me dije se shtetasja E.T, e ëma e së miturës e ka denoncuar rastin në polici. Në një prononcim , e ëma e të miturës tha se vazja e saj kishte qenë në mësim dhe që prej aty nuk ishte kthyer më në shtëpi. Pasi u pyet lidhur me ndonjë problem që mund të kishte ndikuar, ajo solli në vëmendje një rast kur i kishte kapur mesahzet në telefon me një djalë, por përfundon duke thënë se ai diskutim ishte zgjidhur.

Nëna e 16 vjeçares: Sot bëhen 3 ditë që vazja ka ikur. Denoncimin e kam bërë sapo mora vesh se vajza kishte ikur. Ajo duhet të mbaronte mësimin dhe të vinte në shtëpi si zakonisht në një e gjysmë. Pardje kishin bërë orë të shkurtuara dhe mësimi kishte mbaruar shpejt. Unë prita, nuk po vinte dhe unë shkova në shkollë. Kështu shkova në shkollë dhe atje më thanë se mësimi kishte mbaruar. Mësuesja më tha se kishte qenë në mësim vazja si normalisht. Pati një problem se ishte lidhur me një djalë, i kapa një mesazh në telefon dhe e zgjidhëm si muhabet. Ndërsa tani nuk e di.