Kryeministri Edi Rama i është kundërpërgjigjur akuzave të Partisë Demokratike për udhëtimet me charter privat.
Ishte deputetja Orjola Pampuri ajo që të martën iu drejtua sërish me disa pyetje për nje udhetim te kryeministrit ne Suedi ditet e fundit dhe e akuzoi se “ka shpenzuar mbi 790 mln euro për lukse gjatë 8 viteve në pushtet”.
Në një dalje për mediat kreu i qeverisë mohoi akuzat e PD-së se kishte qëndruar në resortin luksoz në Wildbad Kreuth-in legjendar, që ka qenë dikur e familjes mbretërore bavareze Wittelsbach dhe një llixhë për carët rusë dhe perandoreshat austriake, ndërsa shtoi se budallallepsja vjen nga dy rrugë.
“Po Suedia ku hyn ketu? Jo, une nuk kam udhetuar ne drejtim te Suedise. Sidoqofte, ceshtja e pageses se ketij udhetimi imagjinar nuk duhet lene pa u zbardhur.
Ndaj duhet pyetur urgjent ai qe i uli 5004 delegate imagjinare ne 1958 vendet reale te Pallatit te Kongreseve. Gjeni nje perkthyes e mos shikoni vetem fotografite“, eshte pergjigja e kryeministrit Rama.
“Budallallepsja vjen nga dy rrugë. Njëra të besosh atë që s’është e vërtetë; tjetra të refuzosh të besosh atë që është e vërtetë”, shkruan Soren Kierkegaard. Këtë duhet ta mbajë parasysh çdo qytetar demokrat, i cili sot gjendet mes këtyre dy rrugëve, ku njëra palë i thotë beso atë që s’është e vërtetë, ndërsa pala tjetër i thotë refuzo ta besosh atë që është e vërtetë.”, tha ai.
