Ambasadori i Bashkimit Evropian në Tiranë, Luigi Soreca ka reaguar në një postim në Twitter, për zgjatjen e afateve të punës së komisionit hetimor parlamentar për inceneratorët deri më 25 shkurt.

Luiggi Soreca përmes një mesazhi në rrjetet sociale thekson se është me rëndësi që të vijojë puna në Komisionin Hetimor për inceneratorët.

“Lufta kundër korrupsionit është një prioritet kryesor për BE dhe për Shqipërinë në rrugën e saj të integrimit në BE”, thekson Soreca në postimin e tij.

Postimi i Ambasadorit Soreca

E rëndësishme është që puna e Komisionit Hetimor të Parlamentit për inceneratorët të vazhdojë.

Transparenca dhe llogaridhënia janë parimet kryesore të BE-së.

Lufta kundër korrupsionit është një prioritet kryesor për BE dhe për Shqipërinë në rrugën e saj të integrimit në BE.