Dy të rinj janë proceduar nga policia e Vlorës pasi kanë qëlluar me armë ajër. Sipas burimeve zyrtare A.L 16 vjec dhe L.H 17 vjeç kanë qëlluar me pistoletë sportive me fishekë manovër.

Ngjarja ka ndodhur në lagjen “Pavarësia” të qytetit bregdetar.

Ata tashmë përballen me dy akuza, “Prishja e qetësisë publike” si dhe dhe” mbajtja pa leje e armëve të gjuetisë dhe sportive”

Një 47-vjeçar u procedua pasi për motive të dobëta ka goditur shtetasin A.D. Mes të arrestuarve është edhe një 52-vjeçar nga Saranda, pasi ka ushtruar dhunë fizike dhe psikologjike ndaj bashkëshortes së tij.

Njoftimi nga Policia e Vlorës:

Nga specialistët për Hetimin e Krimit në Komisariatin e Policisë Vlorë u proceduan penalisht për veprat penale “Prishja e qetësisë publike” dhe “Prodhimi dhe mbajtja pa leje e armëve të gjuetisë dhe sportive”, shtetasit M. L., 16 vjeç dhe L. H., 17 vjeç, pasi në lagjen “Pavarësia 2”, kanë qëlluar me pistoletë sportive me fishekë manovër.

Po nga këto shërbime u procedua penalisht për veprën penale “Plagosja e lehtë me dashje”, shtetasi D. M., 47 vjeç, banues në lagjen “28 Nëntori” Vlorë, pasi ka goditur për motive të dobëta, shtetasin A. D.

Specialistët e Hetimit të Krimit në Komisariatin e Policisë Delvinë proceduan penalisht për veprën penale “Dëmtime të tjera me dashje”, shtetasit M. Th., 18 vjeç dhe M. M., 18 vjeç, banues ne Delvinë, pasi kanë goditur me grushte, për motive të dobëta, shtetasin H. H., 18 vjeç.

Specialistët e Hetimit të Krimit në Komisariatin e Policisë Sarandë arrestuan në flagrancë për veprën penale “Dhuna në familje”, shtetasin V. Xh., 52 vjeç, banues në lagjen nr.3, Sarandë, pasi ka ushtruar dhunë fizike dhe psikologjike ndaj bashkëshortes së tij.

Materialet i kaluan Prokurorisë, për veprime të mëtejshme.