Bomba, strehimore, refugjatë, janë këto imazhet e luftës në Ukrainë, e cila duket se ka përfshirë të gjithë Europën.

Kjo situatë rikthen edhe njëherë vëmendjen në fjalë që ishin harruar si për shembull “K-Ration”. Në fakt, Italia po dërgon mijëra racione K në Ukrainë. Por cilat janë ato? Këto janë vaktet e përditshme të destinuara për ata që luftojnë.

Emri (K-Ration në anglisht) kujton në mënyrë të turbullt një eksperiment të paspecifikuar të krijuar për ushqimin e ushtarëve gjatë Luftës së Dytë Botërore nga fiziologu amerikan Ancel Keys. Në atë kohë siguroheshin edhe lloje të tjera racionesh ushqimore që merrnin si emër shkronjat e alfabetit.

Sipas disave, shkronja “K” do të ishte shkronja e parë e mbiemrit të fiziologut, por nuk ka asnjë provë për të mbështetur këtë tezë. Studimi i tij u nis nga nevoja për të siguruar ushqim të mirë që ishte gjithashtu i lehtë dhe i përshtatshëm për t’u mbajtur.

Racioni K, si lindi dhe çfarë përmban sot

Kështu, në vitin 1941, Keys u ngarkua nga Departamenti i Luftës i Shteteve të Bashkuara për të krijuar një racion që nuk prishet, gjithmonë gati për t’u ngrënë, që mund të përdoret nga ushtria. Në fillim iu drejtua ushqimeve të konservuara për të gjetur ushqime të lira, të cilat në të njëjtën kohë ishin në gjendje të siguronin energjinë e nevojshme për ushqimin fizik të një ushtari.

U përzgjodhën krakera, salçiçe derri, karamele, çokollata dhe ushqime të tjera, duke arritur të përgatisnin një racion prej rreth 870 gramësh që mundi të furnizonte ushtarin me 3200 kalori. Ushtria e përcaktoi këtë eksperiment mjaftueshëm të kënaqshëm për konsumin ushqimor, sesa për atë cilësor.

Pas disa kërkimeve u vendos që të zgjidhej një opsion i bazuar në tre module: mëngjes, drekë dhe darkë. Kjo nënndarje mbeti atëherë edhe në vitet në vijim. Të parët që testuan këtë metodë të re ishin parashutistët në vitin 1942 dhe qysh në vitin pasardhës, K Ration filloi të përdoret për mjedise ekstreme të xhunglës ose maleve të larta. K-Ration është projektuar për t’u përdorur deri në 15 ditë rresht dhe në raste urgjente. Në vend të kësaj, ajo u përdor më vonë gjatë gjithë Luftës së Dytë Botërore.

Në periudhën e pasluftës, K Ration u përmirësua shumë dhe përdoret edhe sot. Ajo italiane, për shembull, konsiderohet më e mira në botë, me një njohje të gjerë ndërkombëtare, duke rezultuar më e plota dhe më e kënaqshme në shije dhe duke mposhtur atë franceze dhe gjermane.

Për momentin racionet italiane janë dërguar në frontin e luftës në Ukrainë për të mbështetur civilët dhe personelin ushtarak. Ajo dallohet nga të tjerët edhe nga prania e Cordiale, likeri mitologjik i mjedrës, i gjithëpranishëm edhe në kujtimet e atyre që janë ulur gjatë shërbimit ushtarak, dhe çokollatës së zezë, e prodhuar posaçërisht për ushtrinë nga La Fonderia del Cacao.  Një kompani toskane e licencuar nga Difesa Servizi Spa dhe furnizues historik i çokollatës.

Ky paketim i veçantë, i një rëndësie thelbësore për ata që merren me operacione luftarake çdo ditë, tashmë është kthyer në një trend. Në fakt, nuk është e vështirë të hasësh video në YouTube ku dashamirës të zhanrit improvizojnë shijues të ushqimeve të konservuara.