Raporti Botëror i Lumturisë, një botim i Rrjetit të Zgjidhjeve të Zhvillimit të Qëndrueshëm të OKB-së që bazohet në të dhënat e sondazheve globale nga njerëz në rreth 150 vende, shqyrton lumturinë në mbarë botën – kombet më të lumtura, ato në fund të shkallës së lumturisë dhe ato që qëndrojnë në mes, plus faktorët që priren të çojnë në lumturi më të madhe.

Shqipëria këtë vit renditet në vendin e 91-të, ndërsa në vitin e kaluar vendi ynë ishte i 93-ti.

Për të pestin vit radhazi, Finlanda është vendi më i lumtur në botë, sipas renditjes së raportit, bazuar kryesisht në vlerësimet e jetës nga Sondazhi Botëror i Gallup.

Vendi nordik dhe fqinjët e tij, Danimarka, Norvegjia, Suedia dhe Islanda të gjitha renditen shumë mirë në masat që përdor raporti për të shpjeguar gjetjet e tij: jetëgjatësi e shëndetshme, PBB për frymë, mbështetje sociale në kohë të vështira, korrupsion i ulët dhe besim i lartë shoqëror, bujari në një komunitet ku njerëzit kujdesen për njëri-tjetrin dhe liri për të marrë vendime kyçe të jetës.

Danimarka është në vendin e dytë në renditjen e këtij viti, e ndjekur nga Islanda në vendin e tretë. Suedia dhe Norvegjia janë respektivisht në vendin e shtatë dhe të tetë.

Zvicra, Holanda dhe Luksemburgu zënë vendet nga 4 deri në 6, Izraeli në vendin e 9-të dhe Zelanda e Re që përmbyll 10-shen e parë.

Kanadaja (nr. 15), Shtetet e Bashkuara (nr. 16) dhe Mbretëria e Bashkuar (Nr. 17) hynë të gjitha në top 20.

Ukraina është në vendin e 98-të në renditjen e Raportit Botëror të Lumturisë. Anketat mbi të cilat u bazua renditja e lumturisë së këtij viti u kryen shumë përpara pushtimit. Ndërsa Rusia renditet në vendin e 80-të.

Afganistani është në fund të renditjes (në vendin e 146).