Një ngjarje e rëndë ndodhi të shtunën e kaluar në komisariatin e Kamzës, ku 26-vjeçari Arben Mici, i cili ishte dënuar për dhunë në familje humbi jetën.

I riu i vuri flakën qelisë ku ndodhej së bashku me një të dënuar tjetër, që kishte hedhur bashkëjetuesen nga ballkoni, dhe për pasojë i riu gjeti vdekjen se pasojë e flakëve të marra nga zjarri.

Mici njihej si një person problematik. Familjarët e tij kanë thënë se ai ishte shoqëruar disa herë në komisariat dhe se ka qenë përdorues i lëndëve narkotike. Madje është shtruar edhe disa herë në spital.

Madje ata shprehen se Mici ka tentuar disa herë për ti vendosur flakën shtëpisë.

Ai vinte nga një familje me probleme të vështira ekonomike dhe se vunate nga probleme të shëndetit mendor.

Rikujtojmë se zjarri në komisariatin numër 5 në Kamzë në dhomën e paraburgimit dyshohet se është vënë nga 26 vjeçari Arben Mici.

26 vjeçari i ka shpëtuar nga duart efektivit dhe është futur në tualetin e dhomës ku ai qëndronte. Më pas kanë shkuar efektivët e tjerë të cilët kanë tentuar t’u japin ndihmë por s’kanë mundur për shkak të tymit.

Zjarrfikëset e kanë gjetur 26 vjeçarin të mbyllur në tualetin e dhomës së burgut, në gjendje të rëndë pasi ishte asfiksuar dhe me plagë në trup. Fatkeqësisht ai ndërroi jetë në spital.