Ministri gjerman i Ekonomisë dhe Zëvendës Kancelari Robert Habek njoftoi se niveli i paralajmërimit të hershëm për dërgesat e gazit do të jetë në fuqi në atë vend, pasi Moska ende kërkon pagesën në rubla.

Kjo lëvizje është e para nga tre nivelet e paralajmërimit dhe përfshin krijimin e një ekipi krize që do të merret me situatën e tensionuar në furnizimin me gaz. Magazina gjermane e gazit aktualisht është e mbushur me rreth 25 përqind të kapacitetit, tha Habek.

“Aktualisht nuk ka mungesë në furnizim. Megjithatë, ne duhet të rrisim masat paraprake për të qenë gati në rast të përshkallëzimit nga Rusia”, shpjegoi Habek.

Ministri i Ekonomisë u bëri thirrje kompanive dhe individëve që të përpiqen të reduktojnë sa më shumë konsumin e energjisë, sepse Gjermania po përpiqet të heqë qafe varësinë e saj nga gazi rus.

Javën e kaluar, presidenti rus Vladimir Putin njoftoi se vendi i tij do të furnizonte me gaz Gjermaninë dhe “shtetet e tjera armike” vetëm nëse ato paguanin në rubla, në mënyrë që të mbështesin një monedhë që është dobësuar për shkak të sanksioneve perëndimore.