Disa ditë pasi Komisioni i Rithemelimit u fut në selinë e PD-së, demokratët kanë paralajmëruar mbledhjen e parë të përbashkët të grupit.

Mësohet se paraditen e nesërme në orën 09:00 do të zhvillohet mbledhja e grupit parlamentar të PD-së, ku të pranishëm do të jenë deputetë që kanë mbajtur qëndrime të ndryshme për situatën e brendshme.

Në këtë mbledhje do të jenë deputetë nga Komisioni i Rithemelimit të ish-kryeministrit Sali Berisha, por ky i fundit, nuk pritet të jetë i pranishëm për shkak se është i përjashtuar nga grupi parlamentar, me vendimin e datës 9 Shtator, marrë nga Lulzim Basha.

Kjo mbledhje vjen menjëherë pasi depuetët e PD-së kanë kërkuar që të ulen në tavolinë për të negociuar një zgjidhje të përbashkët për situatën brenda kampit opozitar.