Kryeministri Edi Rama ka deklaruar se Shqipëria do të kërkojë ndarjen e Shqipërisë nga Maqedonia e Veriut sa i takon procesit të Integrimit në BE, pas vetos bullgare.

Pyetje: 67% kanë kërkuar ndarjen e Shqipërisë nga Maqedonia për integrimin ne BE, a do e kërkoni?

Rama: Po absolutisht, mos më pyesni mua a do bëj unë atë që është shprehur qartë nga qytetarët.

Çështja e datave është çështje e tyre, ne duhet të bëjmë punën tonë, që ky vend të jetë me standardet e një vendi të BE-së.

Shqipëria nuk do të presë që dy komshinj fqinj të zgjidhin problemin mes tyre, kursi i politikës sonë do të ndryshojë plotësisht.

Në një konferencë më gazetarët, Rama ka prezantuar përgjigjet e Këshillimit Kombëtar, ku sipas tij kanë shprehur vullnetin më shumë se 500 mijë qytetarë, ku nuk përjashtohet mundësia që një person të jetë shprehur deri në 3 herë.

Identiteti i qytetarëve që janë shprehur në këtë proces këshillimi është mbajtur anonimë, ndërkohë që kryeministri paralajmëroi se ky proces do të përsëritet dhe në raste të tjera, kur qeveria ka dilema në vendimmarrje.