Ministri i Jashtëm Sergei Lavrov ka deklaruar se Kievi i ka paraqitur Moskës një projekt-marrëveshje paqeje, që përmban “elemente të papranueshëm”.

Diplomati rus pohon se Ukraina ndryshoi propozimet e saj të mëparshme të bëra gjatë bisedimeve ruso-ukrainase në Stamboll më 29 mars.

“Pala ukrainase i dorëzoi grupit negociator projekt-marrëveshjet e saj, të cilat dukshëm devijojnë nga dispozitat më të rëndësishme të regjistruara në takimin në Stamboll. Një paaftësi e tillë për të negociuar tregon edhe një herë qëllimet e vërteta të Kievit”, thotë ai.

Lavrov pretendon se Kievi kontrollohet nga qendra qeveria amerikane në Uashington “të cilët po e shtyjnë Presidentin Zelensky të vazhdojë armiqësitë”.

Ai thotë se Rusia do të vazhdojë bisedimet, por gjithashtu do të bëjë presion për të siguruar kërkesat e veta në çdo marrëveshje.

Kievi ka deklaruar nuk është i gatshëm të heqë dorë nga sovraniteti dhe integriteti territorial i saj.

Ukraina tha se komentet e Lavrov janë propagandë, pasi ai nuk është i përfshirë drejtpërdrejt në negociata dhe se ato duhen parë në dritën e përpjekjeve ruse për të larguar vëmendjen nga ngjarjet në Bucha.