Ambasadorja e Shteteve të Bashkuara Yuri Kim ishtë ditën e sotme në Vlorë.Bashkë me kryetarin e bashkisë Vlorë zotin Dritan Leli inaguruan investimin amerikan të berë në shkollën ‘Selam Musai’ në fshatin Babicë.Dritan Leli shpreh kënaqsin e pritjes së ambasadores përmes një postimi në rrjetet sociale.

Postimi i plotë:

Kënaqësia e pritjes së Ambasadores së Shteteve të Bashkuara sot në Vlorë, Yuri Kim, shkonte bashkë me atë të fëmijëve sepse arsyeja e vizitës i kushtohej posaçërisht të ardhmes së tyre.
Falë investimit të shtetit amerikan, nga sot, qindra fëmijë të shkollës ‘Selam Musai’ në Babicë, do të mësojnë në një shkollë me kushte nga më të mirat në vend.
Bashkëpunimet dhe vëmendja e tyre e vazhdueshme, janë siguria e shpresës së këtyre fëmijëve të mrekullueshëm që janë rritur me ëndrrën amerikane.
Përkushtimi i ambasadores, për të parë në sy dritën e çdo fëmije drejt së ardhmes, ishte kurorëzimi i kësaj ceremonie që gëzoi të gjithë komunitetin.