Ministri i Drejtësisë, Ulsi Manja tha se Vetingu ishte një proces i suksesshëm por puna sipas tij nuk duhet të ndalet këtu pasi gjyqtarët e prokurorët e korruptuar duhet të japin “llogari”.
Gjatë një konference për mediat në krah të kryeministrit Rama, Manja theksoi se organet e tjera të ndjekjes penale duhet të kryejnë punën e tyre për gjyqtarët dhe prokurorët e shkarkuar nga organet e pavarura.
“Ne këtë parim që lidhet me shtetin e së drejtës e kemi në ADN tonë si parti dhe nuk kemi ndërhyrë kurrë as në drejtësinë dikur as në drejtësinë e re sot që duam drejtësi të pavarur. Kushdo që drejton gishtin në drejtimin tonë duhet të drejtojë gishtin nga vetja. Pavarësia e gjyqësorit e ka garantuar kushtetua dhe ligji në reformën e drejtësisë dhe lidhet me vendimmarrjen e prokurorëve dhe gjyqtarëve. Kryeministri dhe as përfaqësues të PS asnjëherë nuk ka diskutuar vendimet e Gjykatës të cilat për ne zbatohen dhe nuk komentohen. Ne si forcë politike nuk i komentojmë. Të kërkosh performancën e reformës së drejtësisë kemi detyrë të kërkojmë një drejtësi të pavarur sot. Në këtë pikë Rama ekzaktësisht jemi në luftën kundër kriminalitetit dhe korrupsionit në këtë vend. Ne si mazhorancë kemi marrë votën nga shqiptarët dhe kërkojmë rritjen e performancën në luftën kundër kriminalitetit dhe korrupsionit. Dua të jap disa fakte. Vetingu ka vlerësimin maksimal. Komponeti kryesor të kësaj reforme është Vetingu që pastroi drejtësinë nga llumi i gjyqtarëve dhe prokurorëve të korruptuar që kthyen këtë sistem në pazarin e gjësë së gjallë. 800 gjyqtarë dhe prokurorë janë subjekt rivlerësimi ndërkohë në sitën e Vetingut kanë kaluar 500 prokurorë dhe gjyqtarë. Organet e tjera të ndjekjes penale dhe të hetimit kanë përgjegjësinë për të hetuar deri në fund gjyqtarët dhe prokurorët që dolën nga sistemi për deklarim të rremë të pasurisë dhe për korrupsion. Shqetësimi ynë sot dhe në vazhdim nga 530 prokurorë janë 197 janë përjashtuar për probleme me pasurtinë dhe 51 të tjerë kanë dhënë dorëheqjen për procesin së vetingut. Kjo ka shqetësim të madh 27 prej tyre kanë dhënë dorëheqjen pasi kanë marrë vendimin e Vetingut”, u shpreh Manja.
