Kreu i Partisë Republikane, Fatmir Mediu në një deklaratë për mediat nga jashtë sallës së Kuvendit pohoi se opozita duhet të ketë një kandidat për president.

“Opozita të ketë një kandidat.  Ky duhet te jete konsensusi i parë duhet të jetë brenda opozitës. Procedura kushtetuese ka përcaktuar nevojën për konsensus. Ky ka qenë diskutimi që kemi bërë, jemi takuar me shumë deputetë. kam diskutuat edhe me Alibeaj, Bylykbashin dhe zotin Boçi dhe me kandidatë të tjerë. Besoj që duhet të jetë një njeri që qëndron mbi palët dhe që qëndron për unitetin e popullit. Nëse opozita nuk garanton konsensus mes vetes, është e kotë të negociojë me mazhorancën.

Të kemi përfaqësues negociatorësh të përbashkët, por të kemi një figure të përbashkët që duhet të biem dakord. Të paktën të kemi një kandidaturë të përbashkët”, tha Mediu.

I pyetur nese eshte folur per emra konrekte deri me tani, ai u shpreh: “Nuk kemi folur për emra jemi në kuadër të një diskutimi”.