Proceset e votimit pas marrjes së drejtimit të PD-së nga Sali Berisha nuk ndalen, pasi gjatë ditës së sotme pritet që të zgjidhen nënkryetarët dhe sekretariatet e kësaj force politike.

Fillimisht do të ketë një mbledhje të Kryesisë, ku do të miratohen kandidaturat dhe më pas do të jetë Këshilli Kombëtar që me votë do të zgjedhë dy nënkryetarët, dhe sekretarin e përgjithshëm.

“Pershendetje,

Kryesia e Partise Demokratike mblidhet sot ne oren 14.00 per te miratuar kandidaturat e Kryetarit Sali Berisha per Sekretar te Pergjithshem, Nenkryetarë dhe Sekretariatet e Partise Demokratike.

Me pas, mbledhja e Keshillit Kombetar per te votuar keto kandidatura do te jete ne oren 17.00 ne Seline e PD!

Dite te mbare!’, njofton zyra e shtypit në PD. Mes emrave që pritet të marrin poste drejtuese krah Berishës në PD, që janë kaluar më së shumti në media janë ato të Agron Shehajt, Flamur Nokës, Oerd Bykykbashitm, Luçiano Boçit apo Belind Këlliçit.

Një prej nënkryetarëve të rinj të PD-së, do të tentojë zyrtarisht që të jetë dhe kreu i grupit parlamentar të PD-së, duke zëvendësuar Enkelejd Alibeajn.