Një i ri cili sot më herët u denoncuar i zhdukur nga familjarët është gjetur i mbytur në rezervuarin e fshatit. Sipas policisë, ngjarja ka ndodhur në fshatin Kolanec të Maliqit, ndërsa trupi i pajetë i 26-vjeçarit u dërgua në morgun e spitalit për ekspertizën mjeko ligjore.

Më herët gjatë ditës policia beri me dije se në datën 15 qershor, në Komisariatin e Policisë Maliq, ka bërë kallëzim shtetasi N. Ç., 67 vjeç, banues në fshatin Kolanec, Maliq, se i është larguar nga banesa djali i tij, shtetasi M. Ç., 26 vjeç.

“Në vijim të informacionit të sotëm, i cili bënte fjalë për largimin nga banesa të shtetasit M. Ç., 26 vjeç, banues në fshatin Kolanec, Maliq, ju informojmë se ky shtetas u gjet i mbytur, në rezervuarin mbi fshatin Kolanec.

Trupi i pajetë u transportua në morgun e Spitalit Korçë, ku do të pritet përgjigjja e ekspertizës mjeko-ligjore për përcaktimin e shkakut të vdekjes”, thuhet ne njoftimin e policise.

Ndërkohë grupi hetimor po punon për sqarimin e plotë të rrethanave të ngjarjes.