Partia Demokratike ka publikuar spotin zyrtar që fton qytetarët rë marrin pjesë në protestën e 7 Korrikut kundër rritjes së çmimeve.
Me mesazhet kyçe ‘Shqipëria në rrezik’ dhe ‘mos thuaj: ç’më duhet mua?’’, spoti rithekson motivet e protestës dhe kërkon daljen nga apatia shoqërore.
Në spot tregohet si reagojnë qytetarët me indiferencë përballë problemeve të të tjerëve dhe më pas përballen vetë me pasojat e kësaj sjellje.
PD i bën thirrje qytetarëve shqiptarë të reagojnë pasi Shqipëria i duhet çdo shqiptari.
Protesta e Frontit të Shpëtimit Kombëtar do të zhvillohet të enjten më 7 korrik para Kryeministrisë duke rikthyer përballjen politike në vend.
