Forcat ruse dhe separatiste kanë marrë kontrollin e plotë të qytetit lindor të Ukrainës, Lysychansk, sipas Ministrisë së Mbrojtes së Kremlinit.

Në një deklaratë, ministri rus i mbrojtjes deklaroi se i kishte thënë presidentit Vladimir Putin se “i gjithë rajoni i Luhanskut është çliruar”.

Por zëdhënësi i Ministrisë së Mbrojtjes në Ukrainës, Yuriy Sak, tha për BBC se Lysychansk nuk është nën “kontrollin e plotë” të forcave ruse, pavarësisht pretendimeve të Moskës se qyteti ka rënë.

Por ai shtoi se forcat tokësore ruse po “sulmojnë qytetin pa pushim”.

“Për ukrainasit, vlera e jetës njerëzore është një përparësi kryesore, kështu që ndonjëherë ne mund të tërhiqemi nga zona të caktuara në mënyrë që t’i rimarrim ato në të ardhmen,” shtoi ai.