Një aksident ka ndodhur mesditën e sotme në plazhin e Jalës ku një gomone ka dalë në breg duke dëmtuar dy pushues.
Policia bën me dije se 37-vjeçar me iniciale Gj.P. ka humbur kontrollin e gomones duke përplasur dy të rinjtë të cilët janë dërguar në spital jashtë rrezikut për jetën.
Himarë/Informacion paraprak
Sot, rreth orës 11:20, në plazhin e Jalës, shtetasi Gj. P., 37 vjeç, duke drejtuar një mjet lundrues tip (gomone), dyshohet se ka humbur kontrollin duke dalë në breg, ku si pasojë ka dëmtuar shtetasit A. S., 31 vjeç dhe E. GJ., 25 vjeçe, të cilët janë transportuar në spital, jashtë rrezikut për jetën.
Drejtuesi i mjetit lundrues është shoqëruar në Komisariatin e Policisë Himarë, për veprime të mëtejshme. Grupi hetimor ndodhet në vendngjarje dhe po punon për sqarimin e plotë të rrethanave të ngjarjes.
