Ish-kryeministri dhe kryetari i PD Sali Berisha ka dalë në një konferencë për mediat, ku falenderoi vendet e Bashkimit Europian për vendimin e marrë mbi mbajtjen e konferencës së parë ndërqeveritare për hapjen e negociatave.

Berisha ka kërkuar që Rama të heqë dorë nga ligji për amnistinë fiskale, që sipas tij, është një provokim, që iu bëhet vendeve anëtare të Bashkimit Europian.

Po ashtu, Berisha theksoi se vendet e BE, një problem madhor kanë edhe eksportimin e krimit shqiptar në shtetet e tyre.

Berisha: Jam këtu për të paraqitur deklaratën e PD-së për sa vijon. Kto ditë do të mbahet konferenca e parë ndërqeveritare për hapjen e negociatave me BE-në. Me këtë rast në emër të partisë Demokratike e cila ka qenë dhe mbetet lokomotivë e proceseve të integrimit, shpreh falenderimin më të thellë për BE-në për vendimin e tyre fisnik dhe miqësor për integrimin e plotë të vendit tonë. Gjithashtu unë siguroj BE-në dhe vendet anëtare se PD sot në opozitë dhe nesër në pushtet do të miratojë do të miratojë çdo akt dhe reformë të nevojshme për integrimin e vendit.

Unë jam këtu gjithashtu t’i kërkoj Ramës publikisht që në përgjigjie të këtij vendimi fisnik të mos guxojë të provokojë partnerët tanë, por të deklarojë se heq dorë përfundimisht nga ligji i anministisë fiskale kundër të cilit janë shprehur qartë edhe vendet anëtare të BE-së.