Qyteti i Durrësit nuk po gjen qetësi nga lëkundjet e tokës. Mëngjesin e sotëm është regjistruar një tërmet, me magnitudë 4.8 i shkallës Rihter. Paraprakisht raportohet se epiqendra ka qenë në detin Adriatik, me distancë 27 km në veri të Durrësit

Deri më tani nuk ka të dhëna për të lënduar apo dëme materiale, por lëkundjet e tokës kanë shkaktuar panik në njerëz. Ky tërmet i fuqishëm vjen pas atij të 26 nëntorit të vitit të kaluar ku humbën jetën 51 persona dhe u plagosën shumë të tjerë. Gjithashtu prej tërmetit të kaluar me qindra familje mbeten të pastreha, ku një pjesë e tyre vazhdojnë që të jetojnë në çadra.