Një atentat i rëndë ka ndodhur mëngjesin e sotëm në mbikalimin e Panajasë, në Vlorë, ku kanë mbetur të vdekur 2 persona dhe 1 i plagosur. Viktimat udhëtonin me një mjet tip “Ford’, ndërsa mësohet se janë ndjekur nga autorët teksa kanë qenë në lëvizje.

Sipas informacioneve paraprake, dyshohet se pista kryesore që po hetohet, është prishja për pazare droge mes dy grupeve.
yshohet së atentati është bërë nga tre persona, të cilët kanë ndjekur dhe vëzhguar makinën që po udhëtonin viktimat, më pas i janë afruar paralel dhe kanë qëlluar me breshëri plumbash.

Dyshohet se autorët kanë qenë një në rolin e shoferit te automjetit dhe dy në rolin e qitësit. Pak minuta pas ngjarjes, në afërsi të Levanit është gjetur dhe një mjet i djegur, që dyshohet se u përket autorëve të atentatit.

Një automjet është gjetur i djegur në aksin Levan-Tepelenë, në afërsi të Frakullës së Madhe, vetëm pak minuta pasi ndodhi atentati në fshatin Panaja të Vlorës, ku janë shënuar dy viktima dhe një i plagosur.

Automjeti i gjetur në vendin e quajtur “Cerven” dyshohet të jetë ai i autorëve të ngjarjes së rëndë në Vlorë, ku makina tip “Ford” u qëllua nga dy qitës në një automjet që ecte paralel me ta.

Policia bën me dije se makina e përdorur në atentat dyshohet të jetë e vjedhur në Durrës. Mjeti ‘BMW’ është denoncuar si e vjedhur në Drejtorinë e Policisë së Durrësit rreth 1 vit më parë.