Një shpërthim me tritol ka tronditur kryeqytetin në orët e para të mëngjesit të kësaj të mërkure. Policia njofton se shpërthimi ka ndodhur në katin e parë të një banese në rrugën “Siri Kodra”, e cila është në pronësi të një shtetasi 60-vjeçar.

Si pasojë e shpërthimit janë dëmtuar xhamat e biznesit që ndodhet në katin e parë të banesës.

Policia dhe grupi hetimor vijojnë punën për zbardhjen e plotë të rrethanave të kësaj ngjarjeje kriminale.

Njoftimi i policisë:

Tiranë/Informacion paraprak

Me datë 24.08.2022, në orët e para të mëngjesit, në rrugën “Siri Kodra”, afër një banese dy katëshe në pronësi të shtetasit R. P., 60 vjeç, dyshohet se është vendosur dhe ka shpërthyer lëndë plasëse.

Si pasojë e shpërthimit janë dëmtuar xhamat e biznesit në katin e parë, që ndodhet poshtë banesës.

Vijon puna nga grupi hetimor për zbardhjen e rrethanave të ngjarjes dhe identifikimin e kapjen e autorit.