Armina Mevlani dhe Shkëlzen Berisha sot kurorëzojnë në martesë dashurinë e tyre 10-vjeçare.
Dasma u shty prej pandemisë, por çifti më në fund ka organizuar gjithçka dhe tashmë është gati që t’i thonë “PO” njëri-tjetrit.
Pa publikuar asnjë foto me fustan të bardhë, Armina vendosi që të zbulojë vetëm një copëz nga velloja e martesës, mbi të cilën shkruhet ‘Love is the answer’ (dashuria është përgjigjja).
Në programin “Goca dhe Gra”, Armina rrëfeu emocionet, por tha se më shumë do të flasë pas dasmës.
Pak kohë më parë, pasi zbuloi se më në fund, kishte një datë për dasmën e saj, Armina tha se kishte zgjedhur pikërisht muajin shtator pasi i pëlqen vjeshta.
“Muajin shtator e zgjodhëm për të bërë dasmën, sepse na pëlqen vjeshta. Ne nuk e kemi planifikuar dasmën për të pritur një fëmijë. Gjithmonë kam dashur të kem dasmën para fëmijës, dua ta shijoj. Vjehrri im, Sali Berisha është gjithmonë mbështetës dhe ka qenë në rregull me datën e dasmës. Menyja e dasmës do të jetë tradicionale. Në dasmë do të ketë të ftuar më pak se 300 persona, për disa detaje të dasmës më ka ndihmuar shumë edhe kunata, motra e Shkëlzenit, me të cilën kam marrëdhënie fantastike”.
