Del video që tregon momentin kur vritet mjeku Pjerin Xhuvani në Elbasan, në 21 prill të vitit 2021, katër ditë para zgjedhjeve parlamentare.

Në video shihet se bëhet fjalë pak çaste para ngjarjes së rëndë, para se Arbër Paplekaj të qëllojë mbi mjekun Pjerin Xhuvani. Pamjet tregojnë se ka forca të shumta policie në lagjen 5 maji, si dhe qytetarë të dy kampeve politike që debatojnë ashpër me njëri-tjetrin.

Ndërkohë pasi Paplekaj qëllon me pistoletë, shihet se si policët largohen me vrap nga vendngjarja, ndërkohë që qytetarët braktisin mjetet në rrugë dhe largohen të alarmuar.

Aktualisht çështja është në gjykim, ndërkohë që autori i dyshuar, ish efektivi i Reneas Arber Paplekaj ndodhet pas hekurave. Gjykata e Rrethit Gjyqësor të Elbasanit ka vendosur masën e pezullimit për gjashtë efektivët e “Shqiponjave”, të arrestuar për vrasjen e Pjerin Xhuvanit, të cilët akuzohen për mosveprim dhe arrest shtëpie për dy nëndrejtorët të cilët gjithashtu kanë qënë në vendin e ngjarjes.