Kreu i Partisë së Lirisë, Ilir Meta përmendi në fjalën e tij me të rinjtë sot kërkesat e pedagogëve që duan rritje page dhe shtesë në financimet për kërkimet shkencore.
Sipas Metës, Shqipëria i ka mundësitë më të mëdha se sa Kosova që i mirëpaguan pedagogët, por problemi theksoi ai këtu është “korrupsioni i qeverisë aktuale”.
“Mbështetja për arsimin do jetë kryesore e vendimtare. Nuk kërkojnë asgjë më shumë pedagogët e studentët tanë se sa bën shteti i Kosovës sot. Ne i kemi mundësitë dhe shumë herë më të mëdha se ata por për këtë gjë duhet të luftojmë korrupsionin e qeverisë aktuale e gjithë sistemin korruptiv që mbizotëron sot në vend.
Jemi para një sfide për të pasur një Shqipëri të të rinjve dhe për të rinjtë, e cila lind rrit dhe edukon njerëz të lirë, garantues të demokracisë.
Njerëz që ndihen të lirë dhe të paintimiduar nga askush për mendimet dhe idetë e tyre dhe që ëndërrojnë të lirë se kjo qeveri kërkon e ëndrrat tenton tua vrasë e gjymtojë të rnjve.
Jeni dëshmitarë të politizimit ekstrem të shkollave të drejtuesve të tyre, të sistemit të urryer të patronazhimit ku nuk i jepet prioritet vlerave e meritave të të rinjve por shpesh i jepet prioritet angazhimeve të tyre të forcuara politike e partiake.
Në disa muaj së bashku do bëjmë të mundur që të gjithë ta besojnë këtë që unë besoj që Shqiperia do jetë e të rinjve, që ky dimër demokrrafik që ka kapluar vendin do marrë fund e ne do hyjmë në rrugën e duhur të një zhvillimi që nuk mund të ndodhë pa energjitë tuaja të shpërthyera”, u shpeh Meta.
