Pas më shumë se 2 orësh, përfundoi mbledhja e grupit ku po diskutohej për bashkëpunimin e tyre me grupin e Sali Berishës për të dalë me një kandidat të përbashkët në zgjedhjet e ardhshme lokale.

Alibeaj deklaroi  se pavarësisht të gjitha tallazeve, çoroditjeve që mund të ketë PD ka një interes që është i madh, jo vetëm i demokratëve, por edhe i shqiptarëve, një orë e më parë t’i dalim përballë regjimit të Ramës.

“Kujtoni në prill platformën që grupi i PD ka bërë, thirrje me tekst, me përmbajtje dhe terma. Thirrja e të gjithë anëtarëve të grupit parlamentar për të mbajtur një qëndrim. Për këtë gjë të paktën nuk mund të qortohemi, për faktin që ne kemi bërë gjithçka për të qenë bashkë. Pavarësisht të gjitha tallazeve, çoroditjeve që mund të kemi ne, ka një interes që është i madh, jo vetëm i demokratëve, por edhe i shqiptarëve, një orë e më parë t’i dalim përballë regjimit të Ramës. Nevoja dhe interesi për të dalë me një kandidat për demokratët është synim i cili nuk është vetëm si nevojë për të dalë me një kabndidat, por me një kandidat fitues. Është nevoja për t’i dhënë fund regjimit të Ramës. Të jetë një kandidat fitues, të jetë ai rreth të cilit të mblidhen flukset e kësaj shoqërie përballë regjimit. Instrumenti duhet të jetë proporcionalisht për këtë qëllim. Mënyrat janë të tilla që mund të gjenden me vullnet të mirë. Duhet të bashkojmë çdo fluks dhe forcë në bazë sepse janë ata që do i vënë shpatullat”, tha Alibeaj.