Aleanca për Mbrojtjen e Teatrit ka protestuar sërish para SPAK-ut. Ata kërkojnë të marrin përgjigje për kallëzimet e bërë për godinën e Teatrit Kombëtar.

Përfaqësues të Aleancë,mes të cilëve dhe regjisori Edmond Budina, u shpreh se nuk do të dorëzohen, por do të kërkojnë drejtësi deri në fund.

Ai përmendi edhe fluturimet e kryeministrit, Edi Rama me charter, ndërsa tha se këto tregues faktojnë se drejtësia në Shqipëri nuk funksionon siç duhet. Budina theksoi gjithashtu se kauza e tyre është të fitojnë betejën e nisur, për të ndërtuar Teatrin Kombëtar aty ku ishte dhe siç ishte.

“Ne jemi të vendosur për ta çuar deri në fund, sepse paligjshmëria e mafies së këtij vendi është e dukshme në çdo gjë, shtoi edhe udhëtimet me charter, inceneratorët dhe të gjitha abuzimet, tregon se drejtësia nuk funksionon. Ne nuk do tërhiqemi pavarësisht provokimeve dhe kërcënimeve. Në teatrin do ta çojmë aty ku ishte siç ishte”, tha Budina.