Një ngjarje e mundshme kriminale është parandaluar nga Forcat Shqiponja, pak pas mesnate në qytetin e Vlorës.

Rreth orës 01:50 nga shërbimet Shqiponjave u bë e mundur kapja në flagrancë e shtetasit Hasan Hasanaj i datëlindjes 01.05.1980 banues në Vlorë lagjia Partizani, pasi ky shtetas lëvizte me automjetin e tij tip Porsche ngjyrë blu pa targa dhe nuk ju bind urdhrit të ligjshëm të patrullës Shqiponja për të ndaluar por u largua me shpejtësi në brendësi të lagjes Isa Boletini.

Shërbimet e Shqiponjave dhe te Rendit janë vënë në ndjekje të personit i cili ishte i maskuar në drejtim të mjetit dhe u bë i mundur ndalimi dhe prangosja e tij në nje rrugë dytesore pas rreth 15 minutash ndjekje. Në momentin e prangosjes ky shtetas tha se ishte konfliktuar te Club Calvin dhe për këtë arsye qe maskuar dhe kishte hequr targat e mjetit.

Gjatë kontrollit të mjetit u gjet nje maskë, 1 mjet prerës thikë dhe targat e automjetit.

Gjatë testit të kryer nga qarkullimi rrugor rezultoi se personi ishte në gjendje të dehur me testin 1.410 mgl. Në momentin e ndalimit u vu re se personi kishte hematoma në fytyre dhe kërkoi ndihmë mjekësore pasi tha se e kishin goditur disa persona në një klub nate. U shoqërua per ndihmë në spitalin rajonal Vlorë ku dhe u shtrua për kontrolle të mëtejshme.