Prezenca e OSBE në Shqipëri ka reaguar për sulmin e paligjshëm të Qeverisë dhe IKMT në Prestige Resort.

Në një reagim, OSBE thotë: “Jemi në dijeni të raportimeve të medias. Po monitorojmë zhvillimet”.

Fadromat e Inspektoratit Kombëtar të Mbrojtjes së Territorit, IKMT, zbarkuan në orët e para të mëngjesit të djeshëm në plazhin e Golemit duke nisur shembjen e hotel “Prestige Resort” në pronësi të Irfan Hysenbelliut, gjithashtu pronar i grupit mediatik “Focus Group”.

Aksioni i prishjes erdhi disa muaj pasi IKMT-ja prishi pishinat e këtij resorti.

Përfaqësuesit e kompanisë pretenduan se aksioni i ri kishte qenë i paparalajmëruar dhe pa asnjë vendim zyrtar.

Ata e konsiderojnë veprimin një sulm politik të qeverisë dhe i janë drejtuar Gjykatës së Durrësit për sigurim padie.