Kanë mbërritur për herë të parë në vendin tonë vaksina ruse Sputnik- Anti-COVID. 10.000 vaksinat Sputnik, janë dhuratë nga Princi i Kurorës së Emirateve të Bashkuara, miku i çmuar Muhammed Bin Zayed.

Teksa ka pritur nga aeroporti i Rinasit vaksinat ruse, ministrja Ogerta Manastirliu, së bashku me ministrin e Shtetit për Rindërtimin, theksoi se vaksinat menjëherë do të shkojnë në ISHP.

‘Menjëherë do të shkojnë në ISHP për të gjitha procedurat, më pas do të vijojmë dhe me fillimin e procesit të vaksinimit.  Ndërkohë që procesi i vaksinimit po vijon, pas mësuesve dhe të moshuarve do të shtrijmë edhe më gjerë vaksinimin me vaksinat e tjera në vijim. Do të vijojmë përpjekjen që të sigurojmë akoma më shumë vaksina. Të parapërgatitemi  për në verë më të lehtësuar dhe sigurisht edhe për turizmin në muajit në vijim. Komuniteti i Imunitetit ka dhënë gjithë garancinë për efektivitetin e vaksinave dhe ofrojnë sigurisht edhe certifikim’ -tha Manastriliu.