Tre zyrtarë të policisë së Kosovës janë rrëmbyer nga forcat serbe në veri në zonën kufitare me Serbinë. Lajmi është bërë me dije nga policia e Kosovës që thekson se tre efektivët e policisë janë rrëmbyer në brendësi të territorit gjatë një patrullimi në vendin e quajtur Tresave/Bare, në vijën kufitare në veri të vendit.
Ministri i Brendshëm i Kosovës dhe kryeministri Albin Kurti thonë se rrëmbimi është kryer 300 metra në brendësi të territorit të Kosovës, ndërkohë që që ministria e Brendshme e Serbisë thotë se ata kanë qenë brenda në territorin serb. Në një reagim të bërë së fundmi, Kurti tha se rasti lidhet me një hakmarrje të Serbisë për arrestimin e Millun Millenkoviç dhe shtoi se bëhet fjalë për përpjekje destabilizuese.
Sipas detajeve oficerët e rrëmbyer janë Rifat Zeka, Beqir Sefi dhe Mustafa Shemi. Policia e Kosovës thtoë se njësia policore e patrullës ishte në detyrë në vendin e quajtur Tresave/Bare, thellë brenda në territorin e Republikës së Kosovës,kur janë njoftuar se në afërsi të pikës statike kanë vërejtur person/a të maskuar dhe të armatosur, me këtë rast në drejtim të kësaj pike në asistencë janë nisur njësi shtesë të Policisë së Kosovës.
