Zhvillohet këtë të hënë mbledhja e grupit parlamentar të Partisë Socialiste.

Ende nuk ka një konfirmim se cili është emri i mundshëm që mund të zëvendësojë Taulant Ballën në kryesimin e grupit parlamentar. Mbetet të shihet nëse do të jetë edhe kjo mbledhje që do të vendosë sa i përket kreut të ri të grupit parlamentar të kësaj partie.

Deri më tani kryeministri Edi Rama nuk ka konfirmuar nëse do të jetë i pranishëm në këtë takim të radhës. Axhenda e tij ditën e sotme parashikon një takim në Vlorë sa i përket universitetit të Vlorës me atë të Barit të Italisë.

“Mbeten disa gjëra për t’u konfirmuar në minutat në vijim, por duket se grupi parlamentar i PS-së do të ketë vetëm 30 minuta kohë në dispozicion për të zhvilluar këtë mbledhje në kushtet kur janë parashikuar çështje të rëndësishme në komisionet parlamentare”, raportoi gazetarja.

Në Komisionin e Ligjeve pritet të shqyrtohet paketa dhe ndryshimet ligjore sa i përket ish-spiunëve të shtetit. Në Komisionin e Shëndetësisë do të shqyrtohet paketa sa i përket kanabisit mjekësor.