Një ngjarje tronditëse është regjistruar mesditën e kësaj të marte në fshatin Buzaishtë të Pogradecit ku është gjendur pa shenja jete në një kasolle një 12-vjeçare. E mitura i dha fund jetës së saj duke u vetëvarur në një kasolle pranë shtëpisë.
Sipas burimeve nga policia, vajza e mitur ndodhej e vetme në banesë në momentin që ka ndërmarrë aktin tragjik. Rreth orës 14:10 ishte gjyshja e vajzës që pa mbesën e vetëvarur. Më tej njoftoi fqinjët dhe policinë. Prindërit janë të divorcuar dhe vajza jetonte me babanë, njerkën dhe gjyshen.
Policia thotë se nga hetimet paraprake nuk janë konstatuar shenja dhune në trupin e 12-vjeçares, ndërsa grupi hetimor pritet të zbulojë se çfarë e shtyu të miturën që të shkojë drejt këtij vendimi tragjik.