Kreu i Grupit Parlamentar të Partisë Demokratike, Gazment Bardhi, ka reaguar ditën e sotme pas bërjeve publike të ndryshimeve në Qeveri nga kryeministri Edi Rama në Asamblenë e PS.

Me anë të një shkrimi në Twitter, Bardhi është shprehur se këto ndryshime janë një makiazh për fytyrën e kalbur të korrupsionit të kryeministrit.

Më tej ai shtoi se nën qeverisjen e Ramës, korrupsioni do të vijojë të gërryejë xhepat e shqiptarëve.

Reagimi i Bardhit:

Korrupsioni, i cili qendron në themelet e kësaj qeverie, do të vazhdojë të gërryejë mirëqenien në çdo familje shqiptare. Nuk ka pikën e rëndësisë se cilin ministër ndryshon Edi Rama. Është thjesht një makiazh për fytyrën e kalbur nga korrupsioni të kryeministrit.