Ministri i Brendshëm, Taulant Balla ka denoncuar në rrjetet sociale rastin e një personi që përmes një video-je në Tik-Tok i ofron hashash një të mituri.

Menjëherë sapo është njohur me rastin, Balla i ka kërkuar Drejtorit të Përgjithshëm të Policisë së Shtetit identifkimin e këtij personi dhe Komisariati i Kurbinit ka bërë të mundur arrestimin e tij.

Balla e ka cilësuar videon si skandaloze dhe personin e arrestuar si të papërgjegjshëm.

I arrestuari është një 31-vjeçar, banues në Patok, Kurbin. Ai akuzohet për veprën penale “Nxitje për përdorimin e drogës”.

Postimi:
Mirëmbrëma,
jam njohur sot pasdite me një video skandaloze ku një person i papërgjegjshëm duket se i ofron një cigare (të dyshuar hashash) një të mituri. Menjëherë i kam kërkuar Drejtorit të Përgjithsëm të Policisë së Shtetit identifikimin e këtij personi dhe më pas Policia ka bërë të mundur ndalimin e tij të menjëhershëm dhe shoqërimin në Komisariatin e Kurbinit, i akuzuar për nxitje të përdorimit të lëndëve narkotike në rrethana rënduese.
#paketaesigurisënëshkolla😍🇦🇱