Detaje të reja kanë dalë nga e kaluara e Altin Allmucës, 48-vjeçarit të dyshuar për vrasjen e partneres së tij shqiptare në Nea Smyrni të Athinës.

Sipas mediave greke, Allmuca kishte pasur më herët probleme me drejtësinë edhe në Shqipëri. Në vitin 2016, ai ishte arrestuar në Tiranë pas një denoncimi për marrëdhënie seksuale me dhunë ndaj bashkëshortes së tij, kundër vullnetit të saj.

Ndaj tij ishte ngritur gjithashtu një padi për përndjekje.

Të dhënat për të kaluarën e 48-vjeçarit janë bërë publike pas ngjarjes së rëndë të ndodhur në Athinë, ku partnerja e tij shqiptare u gjet e vrarë.

Hetimet për ngjarjen në Greqi vijojnë, ndërsa autoritetet po punojnë për të zbardhur rrethanat e plota të vrasjes dhe për të dokumentuar marrëdhënien mes viktimës dhe autorit të dyshuar.