Ish-kryeministri Sali Berisha ka refuzuar të shkojë në GJKKO ditën e sotme për t’u marrë në pyetje lidhur me hetimin e çështjes së privatizimit të ish-kompleksit sportiv “Partizani”.
Pjesë nga fjala e Berishës
Rama i ka shpallur luftë opozitës. Unë i them se me aktin e fundit ai ka shpallur një luftë totale, për të cilën ne do ti përgjigjemi me të gjitha mundësitë tona. Procesi është më politik i këtij shekulli. Në proces nuk është vetëm Berisha dhe familjarët e tij, jo.
Në proces janë reformat epokale të PD-së, të cilat goditen nga një kartë pretoriane, të cilat goditën nga falangat e krimit politik. Në një analizë që dëshmon urrejtjen e tyre për reformat e tregut të lirë që ka ndërmarr PD.
Unë sot, jam këtu për të paraqitur vetëm njërën prej tyre. Të cilën falangat e krimit politik, e paraqesin si fakt argument se është ndërmarrë për të favorizuar dhëndrin tim apo për korrupsion. Ky është vendimi për përdorimin e letrave me vlerë në proceisn e privatizimit me përparësi ish pronarët.
Letrat me vlerë të cilët ju kujtohen, janë emëtur në shumicën e vendeve ish-komuniste si një mekanizëm ku synohej që qytetaët të përfitonin diçka nga privatizimi i ndërmarrjeve.
Ato u përdorën me sukses të madh nga Thecher dhe në vendet ish komuniste rëndom.
Si president republike kam dekretuar ne vitin 1995, emetimin e tyre dhe shpërndarjen e tyre. Ato i janë shpërndarë qytetarëve. 1.2 milion shqiptar kanë pasur një bono privatizimi në xhep.
Një variant i tyre ishin lekët e privatizimi. Ato iu dhanë të përndjekurve politik. Ato ishin ekuivalent i tyre. Bono nuk janë identike me vlerën e monedhës. Në këtë periudhë bonot e privatizimit u përdorën për privatizimin e mijërave objekte dhe disa sipërmarrje të mesme.
