Presidenti i Republikës, Bajram Begaj, ka vendosur të kthejë ligjin për shtetësinë për rishqyrtim në mbështetje të nenit 85, pika 1 dhe nenit 93 të Kushtetutës.

Reagimi zyrtar i Presidencës argumenton se ligji nr. 77/2023 për shtesat dhe ndryshimet në ligjin nr.113/2020 për shtetësinë përbëhet nga 9 nene, 8 nga të cilat ndryshojnë përmbajtjen e neneve të ligjit bazë.

Ky rast shënon precedentin e parë që Kreu i Shtetit i kthen për rishqyrtim qeverisë se kryeministrit Edi Rama që prej emërimit të tij. Presidenti, pas shqyrtimit të ligjit, ka vlerësuar se pjesa e ndryshuar është e konsiderueshme dhe e nevojshme për rishqyrtim.

Ligji është miratuar në seancën plenare të datës 21.9.2023, por ndryshimet e fundit janë shtuar si amendamente në seancë të paraqitura nga 5 deputetë propozues më datë 20.9.2023.

Presidenti ka kthyer ligjin për rishqyrtim duke u bazuar në procedurat parlamentare dhe Kushtetutën e vendit.