Deputeti gjerman Gunther Krichbaum në një konferencë për mediat u pyet edhe në lidhje me hetimet e SPAK ndaj ish-kryeministrit Sali Berisha dhe deklaratat e këtij të fundit, që i ka konsideruar si sulme politike.
Krichbaum tha po ashtu se procedura ndaj Berishës i takon drejtësisë dhe jo politikës. Kjo e fundit sipas tij, nuk duhet të përzihet.
“SPAK po bën punën e tij. Deklaratat për politizimin e SPAK janë absurde. Imuniteti nuk mbron deputetin por punën e parlamentit. SPAK duhet të mbrohet, jo të sulmohet. Të gjithë janë të barabartë para ligjit. Lufta kundër korrupsionit duhet të jetë serioze. Akuzat ndaj Berishës janë të forta”– tha ndër të tjera ai.
Deputeti gjerman dha edhe një koment për situatën brenda PD.
“Nëse një parti është e mendimit qe duhet të kishte një kryetar, ka organe që e përcaktojnë atë. Do të ishte mirë që PD të sqaronte rrethanat. Njerëzit në një vend presin që një parti të zgjedhë problemet e njerëzve dhe të vetat. Nëse një parti nuk zgjidh problemet e veta, nuk mund të zgjidhë problemet e njerëzve. Një vend qe ka sfida të mëdha duhet të ketë parti të forta”- shtoi ai.
