Një aksident i rëndë ka ndodhur pranë ‘Kopshtit Zoologjik’ në Tiranë, ku një student i Akademisë së Sigurisë, i identifikuar si A. Sh., është gjetur i vdekur në vendngjarje.

Sipas njoftimit të policisë, viktima, ndërsa ishte në udhëtim me mjetin e tij, është përplasur me një tjetër makinë dhe si pasojë e përplasjes së fortë dhe përmbysjes së mjetit, ka humbur jetën në vend. Shkak dyshohet se mund të jetë bërë lagështia dhe shpejtësia e makinës.

Njoftimi i policisë thotë: “Më datë 08.11.2023, në afërsi të liqenit artificial, automjeti me drejtues shtetasin A. Sh. dyshohet se është përplasur me automjetin me drejtues shtetasin Y. R. Si pasojë e aksidentit, ka humbur jetën në vendngjarje, shtetasi A. Sh. (student në Akademinë e Sigurisë). Grupi hetimor ndodhet në vendngjarje dhe po punon për sqarimin e rrethanave të aksidentit.”