Ish-kryeministri Sali Berisha, pas mbledhjes së grupit parlamentar të Partisë Demokratike, ka deklaruar se po përgatiten riformatime të tjera të qeverisë me synim konsolidimin e krimit.

Berisha akuzon se futja e Taulant Ballës ishte një dorëzim i rendit te krimi, dhe tani po synohet përfshirja e të tjerëve për të thelluar praninë e kriminalitetit në qeveri.

Ai shprehet për një klimë të ndezur në publik për shkelmimin e të drejtave të opozitës në Parlament dhe paralajmëron se koha e një lëvizjeje me mosbindje civile po vjen. Berisha shprehet i sigurt në suksesin dhe fitoren e kësaj lëvizjeje.