Policia e Dibrës ka arrestuar një 26-vjeçar të akuzuar për mashtrim dhe ngacmim seksual ndaj një të mituri. Sipas njoftimit të policisë, specialistët për hetimin e krimeve kanë arritur të lokalizojnë, kapin dhe arrestojnë shtetasin E.D., i cili dyshohet se ka mashtruar dhe më pas ka kryer marrëdhënie seksuale me një shtetas të mitur.
Ngjarja ka ndodhur kur ky individ, duke përdorur mashtrim, ka marrë në makinën e tij një të mitur, me të cilin më pas ka kryer vepra të dyshimta. Pas arrestimit, materialet për rastin janë dërguar tek Prokuroria pranë Gjykatës së Shkallës së Parë të Juridiksionit të Përgjithshëm Dibër për hetim të mëtejshëm dhe ndjekje penale.
