Partia Socialiste në Kuvendin e Shqipërisë ka paraqitur një projektligj me ndryshimet e reja në ligjin për komisionet hetimore. Deputetja socialiste Ermonela Felaj ka theksuar se ky ligj synon të qartësojë balancën midis legjislativit dhe organeve të drejtësisë, duke përcaktuar në mënyrë të qartë rastet kur do të themelohet një komision hetimor.

Ndërkaq, lideri i grupit të Partisë Demokratike, Gazment Bardhi, duke u pyetur nga gazetarët për propozimin e ri, ka shprehur kritikat e tij. Ai ka karakterizuar ligjin si “i zi”, duke e lidhur këtë vlerësim me personën që e ka hartuar atë.

“Shiko të zonjën që e ka propozuar dhe ligjin, e zezë është zonja, i zi është dhe ligji. Vetëm Ermonela Felaj mund ta propozonte një ligj të tillë që në thelb nuk është ligji i Kushtetutës, por i urrejtjes. Për sa i përket të drejtës sonë për ngritjen e komisioneve hetimore është antikushtetues dhe anti-parimore. Shiko autoren e projektligji dhe ligjin. I zi autori dhe i zi edhe ligji.

Ky debat ka theksuar ndarjen e thellë politike në lidhje me reformën e ligjit hetimor dhe ka sjellë përfundime të kritikuara nga ana e opozitës ndaj iniciativave të qeverisë.