Arlinda Loncari, avokatja kosovare në Suedi, ka sjellë informacione të reja lidhur me mundësinë e një motive financiare në ngjarjen e vrasjes së Liridona Ademaj – Murseli. Sipas Loncari, Naim Murseli, bashkëshorti i viktimës, ka punuar si këshilltar i sigurimeve në kompaninë suedeze “Folksam”, një nga kompanitë më të mëdha të sigurimeve në Suedi.

Avokatja Loncari ka shpjeguar se Naim Murseli mund të kishte përfituar nga një polisë e sigurimit jetë e lartë në rast se rasti i vrasjes nuk do të zbardhej. Polisat më të larta të jetës në Suedi mund të arrijnë vlerën e rreth 8 milionë kronave suedeze, që është afërsisht 850 mijë euro. Këto para do t’i kishin shkuar Naim Murselit dhe fëmijëve të tij si përfituesit e parë sipas dokumentacionit të policisë.

Avokatja ka shtuar se në qoftë se hetimi nuk do të zbulojë fajtorin dhe Naim Murseli është shkruar si përfituesi i parë i parave, pasojat do të ishin se fëmijët do të merreshin nga qendrat sociale në Suedi për të siguruar mirëqenien dhe shëndetin e tyre.

Ky aspekt shton një dimension të ri në rastin e vrasjes dhe tregon mbi mundësinë e një motive financiare që mund të ketë shërbyer si pjesë e planeve të ngjarjes. Hetimet ende vazhdojnë, dhe është e rëndësishme për autoritetet të zbulojnë të gjitha përbërësit e ngjarjes për të siguruar një drejtësi të plotë dhe të drejtë.