Një operacion i suksesshëm i policisë greke ka çuar në arrestimin e një 27-vjeçari grek dhe një 28-vjeçare nga Shqipëria, të cilët akuzohen për rolin e tyre si anëtarë të rëndësishëm të një rrjeti të organizuar në trafikun e drogës. Hetimet tregojnë se personat e arrestuar kishin përgjegjësi në marrjen, transportin, fshehjen, ruajtjen dhe trafikimin e sasive të kanabisit të papërpunuar brenda territorit grek, veçanërisht në zonën e Selanikut.
Operacioni u zhvillua në zonën e Filiros në Selanik, dhe gjatë kontrollit janë sekuestruar një sasi prej 66 kilogramë e 646 gram kanabis të papërpunuar. Përdorimi i deodorantëve për të maskuar erën e lëndëve narkotike tregon për nivelin e lartë të organizuar të grupit. Po ashtu, janë gjetur dhe konfiskuar tre celularë të përdorur për transaksionet e paligjshme dhe një makinë e përdorur për transportin e drogës.
Pako dhe thasë najloni që përmbajnë sasi kanabis të papërpunuar me peshë totale 66 kilogramë e 646 gram. Vlen të theksohet se në pjesën më të madhe të sasive të sekuestruara janë përdorur deodorantë të veçantë për të maskuar erën e lëndëve narkotike dhe tre peshore elektronike precize.
Gjithashtu, tre celularë të përdorur për transaksionet e tyre të paligjshme dhe një makinë e përdorur për transportin e drogës.
Autoritetet vazhdojnë hetimet për zbuluar lidhjet dhe veprimtaritë e tjera të këtij rrjeti të trafikut të drogës. Arrestimi i personave kyçe tregon përpjekjen e policisë për luftën kundër trafikut të drogës dhe organizatave të përfshira në këtë veprimtari ilegale.