Autoritetet çeke kanë ndërmarrë një operacion të madh në bashkëpunim me Interpolin, duke çuar në pranga 3 persona të dyshuar si pjesë e një rrjeti të trafikut ndërkombëtar të drogës. Ndër të arrestuarit përfshihet Ji?í G., drejtuesi i departamentit të importit të fruta-perimeve në rrjetin e supermarketeve “Lidl”. Ky operacion nisi pas gjetjes së sasisë së madhe të kokainës në arkat me banane në dy vitet e fundit nëpër dyqanet e “Lidl”.

Operacioni i zhvilluar në Çeki ka çuar në arrestimin e Ji?í G., një tjetër shtetas çek, Petr H., dhe një shtetas shqiptar, i cili ishte nën hetim për trafik droge. Petr H. konsiderohet i lidhur me bosin çek të drogës, Radovan Krej?í, një figurë e njohur dhe e pasur në Çeki, aktualisht në burg në Afrikën e Jugut për trafik droge.

Personi shqiptar që është arrestuar ishte nën hetim për trafik droge nga autoritetet dhe dyshohet se ka qenë pjesë e këtij rrjeti kriminal. Kryesia e grupit kriminal, një person i dënuar për trafik droge që jetonte në Pragë, ishte arrestuar më parë në Shqipëri dhe kërkohej nga Gjermania për ekstradim.

Policia çeke ka zbuluar se kokaina, pas mbërritjes në Portin e Hamburgut, transportohej në Çeki në arkat e bananeve të ngarkuara në kamionë. Autoritetet thonë se të dyshuarit për këtë trafik droge rrezikojnë dënimin me burg prej 10 deri në 18 vjet.