Një sulm i armatosur ndodhi në kishën italiane “Shën Maria” në lagjen e Sar?yer të Stambollit gjatë shërbimit të së dielës. Ministri i Punëve të Brendshme, Ali Yerlikaya, konfirmoi se një person humbi jetën pas sulmit.
Sulmi ndodhi rreth orës 11.40 me orën lokale, kur dy persona të armatosur dhe me maska sulmuan kishën me armë automatike. Autorët e sulmit janë ende në kërkim dhe një hetim në shkallë të gjerë është nisur.
Zëdhënësi i AK Partisë, Ömer Çelik, dënoi fuqishëm sulmin dhe njoftoi se forcat e sigurisë po kryejnë një hetim për ngjarjen.

“Ne e dënojmë fuqishëm këtë sulm të poshtër”, tha ai. CNN turk tha se autorët që kryen sulmin erdhën në kishë me armë automatike.

Lidhur me sulmin, zëdhënësi i AK Partisë, Ömer Çelik tha:

“Ne dënojmë fuqishëm sulmin e armatosur ndaj një qytetari tonë gjatë shërbimit në kishën Santa Maria në Sar?yer, Stamboll. Forcat tona të sigurisë po kryejnë një hetim në shkallë të gjerë për këtë çështje. Ata që kërcënojnë paqen dhe sigurinë e qytetarëve tanë nuk do t’i arrijnë kurrë qëllimet e tyre.”