Në 24-orët e fundit, autoritetet kanë arrestuar në flagrancë gjashtë drejtues mjetesh në Tiranë, të cilët kanë tentuar të korruptojnë punonjësit e Policisë Rrugore pasi janë kapur në shkelje të rregullave të sinjalistikës.
Sipas njoftimit të policisë, shtetasit I. H., 53 vjeç, K. GJ., 49 vjeç, T. D., 61 vjeç, K. C., 27 vjeç, E. J., 27 vjeç dhe M. K., 53 vjeç janë ndaluar nga shërbimet e policisë dhe akuzohen se kanë tentuar të korruptojnë punonjësit e policisë duke ofruar shuma parash për të shmangur ndëshkimin ligjor. Autoritetet njoftojnë se lufta kundër korrupsionit në rradhët e policisë do të intensifikohet.
Njoftimi i policisë:
Gjatë 24 orëve të fundit, janë arrestuar në flagrancë 6 drejtues mjetesh që kanë tentuar të korruptojnë Punonjësit e Policisë.
Blutë e kryeqytetit thonë se në pranga janë vënë shtetasit I. H., 53 vjeç, K. GJ., 49 vjeç, T. D., 61 vjeç, K. C., 27 vjeç, E. J., 27 vjeç dhe M. K., 53 vjeç.
Këta drejtues mjetesh janë konstatuar në shkelje nga shërbimet e Policisë dhe me qëllim shmangien e ndëshkimeve ligjore, kanë tentuar të korruptojnë Punonjësit e Policisë, duke iu ofruar atyre, shuma parash.
“Lufta ndaj këtij fenomeni të turpshëm do të intensifikohet, kundër shkelësve dhe atyre që kryejnë korrupsionin pasiv, punonjësve të policisë”, thuhet në njoftim.
